Jun 9, 2016

Hazrat Abu al-As bin al-Rabi R.A Life Urdu

Hazrat Abu al-As bin al-Rabi R.A  in Urdu Language
Hazrat Abu al-As bin al-Rabi r.a
Abu al-As ibn al-Rabi - ابو العاص بن ربیع

Naam lakeet,  kunniyat Abu al-Aas, Umml Momineen hazrat khadeeja r.a ke bhaanje the. Sahabi aur damaad e Nabi saw the, walid ka naam Ali bin al-Aas tha, aan hazarat saw ki besat per yeh Iman na lae. balke Ghazwa e badr main musharikeen ki taraf se musalmanon ke khilaf lade.

Nasab - نسب
Abu al-As Lakeet bin al-Rabi bin Abdul Aza bin  Abd Shams bin Abd Manaf bin Qusai bin Kala'ab bin Mara'ah bin Ka'ab bin Lovee bin Ghalib bin Fahar bin Malik bin Al nazar bin Kananah (AL Qarshi al Qanani).

Life - حالات زندگی
Abu al-Aas bin al-Rabi r.a Zainab binte Muhammad saw ke khawand the, bibi Zainab r.a se in ka aik farzand Ali aur aik baiti Umama r.a paida huwe, zamana jahliat main in ka bohat bada karoabar tha.
"Hazrat bibi Fatimah r.a ne hazrat Ali r.a ko wasiyat ki thi kh meri wafat ke baad ap Umama binte Abu al-Aas r.a se nikah kar lain, chunancha Hazra Ali r.a ne Sayedah Fatimah r.a ki wasiyat per amal kia"

Damad e Rasool - داماد رسول
Elan e Nabuwat se qabal Hazrat Khadijah r.a ki farmaish per Hazrat Muhammad saw ne apni badi baiti Hazrat bibi Zainab r.a ka nikah in ke khala zaad bhai Abu al-Aas bin Rabi r.a se kar dia, Abu al-Aas r.a Hazrat Khadijah r.a ki behan Hazrat Hala ke baite the, elan e Nabuwat ke baad bibi Zainab r.a to Musalman ho gai lakin Abu al-Aas r.a ne Islam qabool nahi kia, Ramzan 2 hijri main jab Abu-al Aas r.a Jang e Badr main griftar ho kar Madinah aye, is waqat bibi Zainab r.a Musalman hote huwe Makkah hi main mukeem thi, chunancha Abu al-Aas r.a ko qaid se chudane ke liye unho ne Madinah main apna woh haar bheja jo un ko un ki walidah Hazrat Khadijah r.a ne jahaiz main dia tha, yeh haar Hazoor e Aqdas saw ka ishara paa kar Sahaba r.a hazrat Zainab r.a ke paas wapis bhej dia aur Hazoor saw ne Anu al-Aas r.a se yeh wadah le kar in ko riha kar dia kh woh Makkah pohanch kar Zainab r.a ko Madinah bhej dain ge, chunancha Abu al-Aas r.a ne apne wadah ke mutabiq hazrat Zainab r.a ko apne bhai Knanah ki hifazat main Batan ya Jaj tak bhej dia.
Idhar Rasool saw ne Zaib bin Harisa r.a ko aik Ansari Sahabi ke saath pehle hi maqam Batan ya Jaj main bhej dia tha, chunancha yeh dono hazraat Batan ya Jaj main apni hifazat main hazrat Zainab r.a ko Madinah le kar aye, jab bibi Zainab r.a Makkah se rawana huwi to kufar e Quraish ne in ka rasta roka yaha tak kh aik badnaseeb zalim Habar bi al aswad ne in ko niza se dara kar oont (Camal) se gira dia jis ke sadme se in ka hamal saqit ho gaya, magar in ke dewar Kananah ne apne turkash se tiron ko nikal kar yeh dhamki di kh jo shaks bhi bibi Zainab r.a ke oont ka peecha kare ga, woh mere in tiron se bach kar na jaye ga, yeh sun kar Kufar e Quraish sahem gaye, phir sardar e Makkah Abu Sufyan ne darmian main pad kar bibi Zainab r.a ke liye Madinah ki rawangi ka rasta saaf kar dia, is ke baad Abu al-Aas r.a 7 hijri main Musalman ho kar Makkah se Madinah hijrat kar ke chale aye, aur bibi Zainab r.a ke saath rahne lage.

Ghazwa e Badr - غزوہ بدرمیں کفارکے ساتھ
Jang e Badr ke qaidiyon main Hazoor saw ke damad Abu al-Aas bin Rabi r.a bhi the, Hazoor saw ne jab Nabuwat ka elan kia to Ap saw ki sahibzadi bibi Zainab r.a ne to Islam qabool kar lia magar in ke shohar Abu al-Aas Musalman nahi huwe aur na hi bibi Zainab r.a ko apne se juda kia, Jang e Badr main qaid hone ke baad Abu al-Aas r.a ne bibi Zainab r.a ke pass qasid bheja kh fadia ki raqam bhej dain, hazrat Zainab r.a ko in ki walidah hazrat Khadijah r.a ne jhaiz main aik qeenti haar bhi dia tha, bibi Zainab r.a ne Fidya ki raqam ke saath woh haar bhi apnw gale se utar kar Madinah bhej dia, jab Hazoor saw ki nazar is haar par padi to hazrat Khadijah r.a aur in ki muhabbat ki yad ne Qalb e Mubarak per aesa riqat angaiz asar dala kh Ap saw ro pade aur Sahaba karam se farmaya kh ager tum logon ki marzi ho to baiti ko is ki yadgar wapis kar du? yeh sun kar tamam Sahaba Karam ne sir tasleem kham kar dia aur yeh haar bibi Zainab r.a ke paas Makkah wapis bhej dia gaya, ibtadai zamana tak yehi hukam jari tha isi liye Hazoor saw ne apni do sahibzadiyon ki nikah Utbah bin abi lahab aur Abu al-Aas bin rabi se kar dia tha halan kh yeh dono kufar per the, baad main woh ayat nazil huwi jin main Musalman aurat ka nikah kafir mard se haram qarar paya, unho ne apna wada ko poora kia aur hazrat Zainab r.a ko bhej dia aur phir baad main khud bhi Islam qabool kar lia.

Islam - قبول اسلام
Abu al-Aas r.a riha ho kar Madinah se Makkah aye aur hazrat Zainab r.a ko Madinah bhej dia, Abu al-Aas bohat bade tajir the yeh Makkah se apna saman e tijarat le kar shaam gaye aur waha se khoob munafa kama kar Makkah aa rahe the kh Muslman Mujahideen en in ke qafilah par hamla kar ke in ka sara maal o asbab loot liya aur yeh mal e ghanimat tamam sipahion main taqseem bhi ho gaya Abu al-Aas chup kar Madinah pohanche aur hazrat Zainab r.a ne in ko panah de kar apne ghar main utara, Hazoor saw ne Sahaba karam se farmaya kh ager tum logon ki khushi ho to Abu al-Aas ka maal o saman wapis kar do, farman e Risalat saw ka isharah pate hi amam Mujahideen ne sara maal o saman Abu al-Aas ke samne rakh diya, Abu al-Aas apna sara maal o asbab le kar Makkah aye aur apne tamam tijarti sharikon ko pai pai ka hisab samjha kar aur sab ko in ke hisa ki raqam ada kar ke apne Musalman hone ka elan kar dia aur Ahle Makkah se kh dia kh me yaha aa kar sab ka poora poora hisab ada kar ke Madinah jata hu takeh koi yeh na keh sake kh Abu al-Aas hamara rupia le kar taqaza ke dar se Musalman ho kar Madinah bhag gaya.

is ke baad hazra Abu al-Aas r.a Madinah aa kar hazrat Zainab r.a ke pass rahne lage aur Ap saw ne apne damad Sayedah Zainab r.a ke shohar Abu al-Aas r.a ki ta'areef karte huwe farmaya.
" Is ne mujh se baat ki aur sachi baat ki, aur is ne mujh se wadah kia aur poora kar dikhaya"

Death - وفات
10 hijri mian hazrat Ali r.a ki sarkardagi main Yemen jane wale sarya main shareek huwe, Yemen se wapsi per hazrat Ali r.a ne inhe is elaqa ka aamil bna dia, Ap r.a ki wafat mah e zilhaj 12 hijri ba-mutabiq mahe February 634 main Madinah Munawarah main huwi.

Allah Pak Ap r.a Per Apni Rehmatain Nazil Farmaye, Aameen

Note: Ager ap ke pass Hazrat Abu al-As bin al-Rabi r.a ke bare main kuch maloomat hon to zaroor to comment karain shukaria.

No comments:

Post a Comment

Please Add Your Comments and Reviews Here.