Jun 23, 2016

Killer Of Amjad Sabri Be Dealt With Strictly Said Zardari

Killer Of Amjad Sabri Be Dealt With Strictly Said Zardari
Asif-Ali-Zardari
سابق صدر پاکستان آصف علی زرداری نے معروف قوال امجد صابری کے قتل کی شدید مذمت کرتے ہوئے مطالبہ کیا ہے کہ اس جرم کے تمام ذمہ داروں بشمول قاتلوں کو گرفتار کیا جائے اور انہیں قانون کے مطابق سخت ترین سزا دی جائے۔

آصف علی زرداری نے اپنے تعزیتی پیغام میں کہا ہے کہ صرف دو روز قبل سندھ ہائی کورٹ کے چیف جسٹس کے صاحبزادے کا اغوا اور آج امجد صابری کی ٹارگٹ کلنگ یہ ظاہر کرتے ہیں کہ دہشت گرد اور ان کے حمایتی اور پشت پناہی کرنے والے ابھی تک متحرک ہیں۔

انہوں نے صوبائی حکومت سے کہا ہے کہ وہ دہشت گردی کی کارروائیوں میں تیزی کی وجوہات جاننے کی پوری کوشش کرے اور کیا یہ عسکریت پسندوں اور ان کی پشت پناہی کرنے والوں کی جانب سے کسی بڑی سازش کا حصہ تو نہیں ہے؟

آصف علی زرداری نے امجد صابری کی روح کے ایصال ثواب اور غمزدہ خاندان کے لئے صبر جمیل کی دعا بھی کی۔


No comments:

Post a Comment

Please Add Your Comments and Reviews Here.